Monday, July 16, 2007

زمالك

ده بلوج كل الزملكاوية
وخصوصا البلوجراوية
لو حابب تشارك معانا اكتب اسم مدنتك و بريدك الالكتروني في التعليقات عشان ابعتلك دعوة و تكون مشارك معانا في المدونة دي
VIVA ZAMALEK

17 comments:

Unknown said...

زى ما يكون مشاكل وهموم الدنيا والكون خلصت واتجمعت فى انك زملكاوى
عشان تروح تعمل مدونة جديدة للزمالك
انا نفسى اعرف هتقول فيها ايه؟؟
هتقول انا زملكاوى؟
انا بحب الزمالك؟؟
طب احنا استفدنا ايه
ولا هتقولنا على تاريخ الزمالك
وتعمل لنا سير ذاتية للاعبين اللى فيه
برده مش هنستفيد حاجة

انا مش بقول كده عشان اهلاوى
ولا عشان بهاجمك
بس استغربت لما الاقى شاب او شابة لايقل عمره عن العشرين سنة وبيشغل جزء من باله هذا الموضوع مهما كان الجزء دا صغير
وكمان تاخد من وقتك ومجهودك اللى يخليك تعمل مدونة تقول فييها انا زملكاوى
طب ماتكتب عن المشاكل اللى قد كده اللى مالية الدنيا
ازمة البطالة الرهيبة
ولا الزحمة اللى خانقة البلد
ولا سلوكيات الناس الغلط
او اكتب مدونة تقول فيها انا مسلم
دى مجرد امثلة على سبيل المثال لا الحصر

طبعا اكيد هترد عليا رد مفحم
يمكن يكون كله بستفه واستهزاء
بس عادى زى مابقولك انا مش بهاجمك ودى حاجة ترجعلك فى الاول والاخر
انت ابسط حاجة هتقولى لو مش عاجبك متجيس عندنا تانى

Dr. Tantawy said...

وجودك ف المدونة و تفضلك بتضيع دقيقتين من وقتك عشان تكتب تعليق مهما كان .. كفايه عليه اوي :) في تدوينات كتير كتبتها و انا مقتنع بمحتواها و متأكد من اهميته و مع كده معتقدش انك فكرت تكتب تعليق عليها هههههه

عموما مش هرد عليك رد مفحم ولا حاجه :) ولا هقولك متجيش هنا تاني لأنك منور المدونه بوصفك اول واحد يكتب تعليق ... لكن اللي هقولهولك هوه انى بكتب اللي يجي على بالي طالما مش بتعدى حدودى ومش بتتطاول على حد سواءا سياسه او دين او ادب او قصص او خلافه .. وده الفيصل بيني و بينك

و لو كنت بتسخر من محتوى المدونة قبل حتى ما اكتب فيها حرف واحد .. يبقى سيادتك مع احترامي ليك بتسطح افكارنا و بتحكم على تجربه لسه مبدءتش

عموما اهلا بيك و منورنا

Unknown said...

انا مسطحتهاش
ولا حكمت عليها
دى اهتمامات وكل واحد حر فى اولوياته

عموما هيا دى روح الرياضة

عمرو غريب said...

والله انا في منتهي السعادة ان بشوف مدونة لمحبي الاهلي و مدونة لمحبي الزمالك احيك بشدة علي هذة الفكرة الرائعة وانشاء الله بأذن الله الزمالك يعود للبطولات وتعود مدرسة العب و الفن والهندسة من تاني تحياتي لك عمرو غريب مدونة بيت الرياضة المصرية

moneer said...

اشطه عليك
الحمد لله لسه فى زمالكوية
انا اتشرف و احب اكون مشارك
http://ana-7orr.blogspot.com
midopeace@hotmail.com

Dr. Tantawy said...

عمرو غريب

متشكر لدعمك :) واهلا بيك ف المدونه

Dr. Tantawy said...

MONEEER


الزملكاويه موجودين :) بس هوه الحر اللى عامل كده ههههه

اهلا بيك و دعوتك هتوصلك ع الايميل ان شاء الله

تحيااااتى

mariam said...

طبعا طنطاوى رائد مشجعى الزمالك فى البلوجات هيفتتح مدونة الزمالك و يقص الشريط

لأ لأ لأ انا مش جايه انضم
انا جايه احضر الأفتتاح و امشى على طول
بس خد بالك من الأهلويه
و بلاش تتكلم عن ابو تريكه
و قد انذر من اعذر

أفندينا said...

في ظل هذا الزمن ال.... وفي ظل ظروفنا الحالية ... نحتاج قليلا لكي نرتاح ونبحث عن أشياء نحبها ....... زمالك للنهاية

http://msalaheldeen.maktoobblog.com

يساري مصري said...

اووووووووووووووووو
اهلاويييييييييييي
اوووو اهلاوييييييييييييي

و زي مراح افريقيا برضك راح اليبان
بيب بيب اهلي
:P

يساري مصري said...

زي ما وظيفة الاهلى انه يطرقع للزمالك على البساط الاخضر
وظيفة الاهلويه يحرقوا دمكم في البساط البلوجري

هع هع هع هع هع هع هع

عمرو غريب said...

اية يا عم انت فين كل مأدخل المدونة القيها بدون بوستات فين اخبار الزمالك حرام عليك شمت فينا الاهلاوية ههههههههههههههههه

أفندينا said...

أرجو منع كل الخونه الأهلاوية من الدخول إلى الجمهورية الزملكاويه الشعبيه العظمى....ههههههههه
تحياتي

bazemus79 said...

الله عليك يا طنطاوى افكارك مدهشه و عقبال ما يبقى الزمالك زى الواد ابو عضلات اللى انت راسمه

bazemus79@yahoo.com

http://www.againstgov.blogspot.com

Administrator said...

www.antiahly.blogspot.com

نجرو said...

انا مدونتي اسمها زملكها منبر الزمالكاوية وبرد فيها بقوة على كل أنواع الظلم الذي يقع على الأندية المصرية جراء احتكار الأهلي لصناعة الرياضة في مصر
www.zamlekha.blogspot.com
اتحاد الزمالكاوية ليه شعار ياريت تحطه في مدونتك
وأنا هضيفك عندي ولو عندك اي مدون أخرى زمالكاوية ياريت ترسلهالي عشان نكمل الاتحاد

Anonymous said...
This comment has been removed by a blog administrator.